Alles ronderëm de Bilan

Show notes

Och wann alles am Detail schwaarz op wäiss opgelëscht ass, kann et fir ontrainéiert Ae schwiereg sinn, de Bilan vun enger Entreprise ze dechiffréieren. De Bryan Ferrari pléckt mat sengen dräi Invitéen déi wichtegst Aspekter vun dësem Dokument auserneen. Et gëtt dobäi theoretesch a praktesch Ablécker dran, wat dës Informatiounen aussoen, wat Lëtzebuerg an Europa vum Rescht vun der Welt ënnerscheet, a wat alles mat afléisse muss, fir enger Entreprise de Bols kënnen ze fillen.⁣⁣ ⁣⁣ D'Maryam Khabirpour ass Associée am Audit bei Deloitte. De Laurent Nittler ass Associate Director am Corporate Banking bei der China Construction Bank. Den Yves Bodson ass Team-Manager vun der Aktivitéit Global Credit Investments & Financial Markets bei der Spuerkeess.⁣⁣ ⁣ Evergreens by Spuerkeess ass eng Co-Produktioun mam Studio J vum Lëtzebuerger Journal.