Firwat ass Private Equity wichteg?

Show notes

Jidderee schwätzt vu Private Equity, mee déi mannst wëssen, wat dat ass. Dobäi geet et ëm en essentiellen Deel vun der Finanzwelt, a besonnesch fir kleng a mëttel Entreprisen ass PE wichteg, fir dat laangfristegt Iwwerliewen ze sécheren. Et geet ëm Know How, Nohaltegkeet an d'Aarbechtsplaze vu muer.⁣ ⁣ Doriwwer schwätzt de Bryan Ferrari mat sengen dräi Invitéen. De Stéphane Pesch representéiert als CEO vun der Luxembourg Private Equity & Venture Capital Association déi ganz Communautéit an Industrie. De Yannick Oswald ass Partner bei der Venture Capital Firma Mangrove Capital Partners zu Lëtzebuerg, déi jonk Tech-Entreprise sicht an ënnerstëtzt. Den Yves Bodson ass Team-Manager vun der Aktivitéit Global Credit Investments & Financial Markets vun der Spuerkeess.⁣ ⁣ Evergreens by Spuerkeess ass eng Co-Produktioun mam Lëtzebuerger Journal.⁣⁣ ⁣ Disclaimer: D'Invitéë schwätzen an hirem eegenen Numm an dëse Podcast ass net als Finanzberodung geduecht. All Nolauschterer ass gebieden, sech selwer mam Thema auserneen ze setzen an sech z'informéieren.